“Həyat yoldaşım məni döyüb, narkotikdən istifadəyə məcbur edirdi”.

Bunu Baku TV-də yayımlanan “Arzunun vaxtı” verilişində həyat hekayəsini danışan Zəhra adlı qadın deyib.

Hazırda küçələrdə yaşadığını söyləyən qadının sözlərinə görə, 3 il əvvəl vəfat edən həyat yoldaşı həm narkotik, həm də spirtli içki aludəçisi olub:

“Qızıllarımı, valideynlərimdən qalan mirasımı satıb, narkotikə verirdi. Sonra da qaraciyər sirrozu oldu”.

O iddia edir ki, yaşadığı məhəllədəki narkotik istifadəçiləri tərəfindən döyülərək pulu əlindən alınır.

Səhhətində problemlər olan qadın sığınacağa yerləşdirilməyə razı olduqdan sonra onun vəziyyəti ilə əlaqədar Sosial Xidmətlər Agentliyinə müraciət olunub.