Baxılıb: 0

Həndbol üzrə Azərbaycan çempionatında II turun oyunları keçirilib.

Qadınlardan ibarət “Qarabağ” və “Azəryol” komandaları arasında baş tutan görüşdə rəqibini 30:26 hesabı ilə məğlub edən birincilər çempionatda ardıcıl ikinci qələbəni qazanıblar.

İlk turda məğlub olan “Kür” bu dəfə “İdman Akademiyası”nı üstələyib - 38:12.

Kişilərdən ibarət “Kür” komandası da etimadı doğruldub. “Dinamo”nun qonağı olan Mingəçevir təmsilçisi böyükhesablı qələbə qazanıb - 50:20. “Qarabağ” isə “İdman Akademiyası” ilə oyunda azarkeşlərini sevindirib - 38:24. Startı uğursuz alınan “Təhsil” bu dəfə “Bakı” ilə görüşü məğlubiyyətlə bitirib - 16:37.

İki turdan sonra qadınların yarışına dörd xalla “Qarabağ” başçılıq edir. “Azəryol”, “Kür”, “İdman Akademiyası” və “Bakı” hərəyə iki xalla sonrakı pillələrdə qərarlaşıblar. “Gənclər Birliyi”nin hesabında xal yoxdur.

Hərəyə dörd xalı olan “Kür” və “Qarabağ” kişilərin çempionatında şərikli liderlərdir. “Bakı” və “İdman Akademiyası” iki xalla 3-4-cü yerlərdədir. “Azəryol”, “Təhsil” və “Dinamo” hələ də xal qazana bilməyiblər.

Обнаружили ошибку или мёртвую ссылку?

Выделите проблемный фрагмент мышкой и нажмите CTRL+ENTER.
В появившемся окне опишите проблему и отправьте Администрации ресурса.

Bakı Milli Tv

Təsisçi və baş redaktor: Məmmədli Namiq Mirzə oğlu
Tel: (+99450) 266 30 24 , (+99450) 050 525 82 53