Kahramanmaraşın Afşin rayonunda Türkiyənin ən böyük istilik elektrik stansiyasında təmir zamanı yanğın baş verib.
Afşin və Elbistan arasındakı Çoğulhan bölgəsində yerləşən B istilik elektrik stansiyasının 3-cü blokunun baca qazlarının təmizlənməsi sistemində təmir işləri aparılarkən yanğın başlayıb. Dərhal güclənən yanğın nəticəsində səmaya qara tüstü yayılıb.
Hazırda yanğınsöndürmə qrupları yanğının böyüməsinin qarşısını almağa nail olublar. Lakin yanğınsöndürmə işləri davam edir.
Mənbə: Haber Global
