Bakıda elektron qəlyan satılan mağazaların birində oğurluq hadisəsi baş verib.

Bu barədə baku.ws-in qaynar xəttinə məlumat daxil olub.

Hadisə Səbail rayonu ərazisində “Sahil” metro stansiyasının yaxınlığındakı mağazada qeydə alınıb.

İddiaya görə, 4 nəfər qabaqcadan əlbir olaraq mağazaya gəlib. Onlar özlərini elektron qəlyan müştərisi kimi təqdim ediblər. İçlərindən biri satıcı ilə danışarkən digərləri dəyəri 230 manat olan 5 ədəd elektron qəlyanı oğurlayıblar.

Görüntülər mağazadakı təhlükəsizlik kamerası tərəfindən lentə alınıb.

Məsələ ilə bağlı Daxili İşlər Nazirliyinin (DİN) Mətbuat Xidmətinin əməkdaşı Nurlan Əliyev bildirib ki, oğurluq hadisə ilə bağlı araşdırma aparılır.