Goranboyda yerləşən fermalardan birini qəsdən yandırmaqda şübhəli bilinən şəxslər saxlanılıb.
"Bakımillitv.az" DİN-ə istinadla xəbər verir ki, hadisə nəticəsində 230 baş xırdabuynuzlu heyvan yanaraq tələf olub.
Araşdırmalarla yanğının qəsdən törədildiyi müəyyən edilib.
Yanğını Gəncə şəhər sakini Məmmədpur Bəhruzun sifarişi əsasında həmyerliləri Cavid Allahverdiyev və Erik Vəliyevin qəsdən törətdiyi məlum olub. Üçlük saxlanılaraq istintaqa təhvil verilib.
Əməliyyat-istintaq tədbirləri davam etdirilir.
