Batut gimnastikası üzrə Azərbaycan millisinin üzvü Selcan Mahsudova Paris-2024 Yay Olimpiya Oyunlarına lisenziya qazanıb.
"Bakımillitv.az" Azərbaycan Gimnastika Federasiyasına istinadən xəbər verir ki, bu, Azərbaycanın gimnastika tarixində batut gimnastikası üzrə əldə etdiyi ilk lisenziyadır.
Beləliklə, gimnastika yığmamızın Paris 2024-ə qazandığı vəsiqələrin sayı ikiyə yüksəlib.
Xatırladaq ki, daha əvvəl bədii gimnast Zöhrə Ağamirova da olimpiya lisenziyasına sahib çıxıb.
