“Qobu Park-2” yaşayış kompleksində sakinlər işıqsız, susuz qalıblar.

Bu barədə Oxu.Az-a sakinlər məlumat veriblər. Onların sözlərinə görə, bu gün səhər saatlarından sözügedən yaşayış kompleksində 19-cu binada və digər bir neçə binada nə işıq var, nə də su. 

İsti hava şəraitində yaranan problemə səbəb isə ərazidə çalışan aidiyyəti qurumlara məxsus traktorlardır:

“Ərazidə texnika çalışan zaman yer altından gedən elektrik naqillərini zədələyib. Bu səbəbdən bir neçə binada elektrik enerjisinin verilişində məhdudiyyətlər yaranıb. Bu, həm də su probleminə səbəb olub. Aidiyyəti üzrə “Azərişıq" ASC-yə məlumat verilsə də, qəza xidmətindən əməkdaşlar hələ də əraziyə cəlb edilməyiblər”.