Hər bir insan təmiz bir yerdə əyləşib hava qəbul etmək istəyir. Amma təəssüf ki, bunu hər kəs edə bilmir. Məsələn, Zığ qəsəbəsinin sakinləri... Bu böyük qəsəbənin cəmi bir istirahət parkı var. O da bərbad vəziyyətdədir.
Suraxanı rayonunun Zığ qəsəbəsi, Səcarət Həmidov küçəsinin yaxınlığında yerləşən park acınacaqlı vəziyyətdədir.
Sakinlərin sözlərinə görə, buradakı hər bir avadanlığı özləri kustar üsulla quraşdırıblar və tələbləri bundan ibarətdir ki, yaxın günlərdə park abadlaşdırılsın.
